show video detail
【劉鑾雄講大劉（21）】甘比終極現身 大劉感激太太無怨言：唯一係唔夠成熟
- Published_at:2017-04-14
- Category:People & Blogs
- Channel:Flashback channel
- tags:
- description: 大劉去年病重期間，因為得到甘比不辭勞苦照顧，所以深受打動，換腎後健康狀況好轉，他決定再婚迎娶甘比。 大劉過往是一位多情種，女友多得如繁星，再婚後的他，到底能否修心養性呢？甘比會是他最後的女人嗎？ 大劉笑言：「如果你要我答，今日就一定係！哈哈！講笑啫！」 【我搵佢發脾氣，佢都就我】 說回正經：「佢真係令我好感動。第一，以今日嘅Best Knowledge（以我了解），一定係最後一個女人。我識佢15、6年，無論中間我啲脾氣幾唔好，搵佢發脾氣又好，佢都就我。我有病時，佢照顧周到，同埋好頻撲，要照顧仔女，又顧住頭家，接仔女返學放學，其實佢好辛苦好攰，差不多日日夜夜，幾乎崩潰咁滯。好彩呢排我身體好啲，佢真係盡咗佢責任，盡咗佢能力。」 【甘比當眾篤大劉粒痣？】 問大劉是否與甘比是在戲院一見傾情？因為曾有「都市傳聞」，稱當年仍是記者的甘比被派去戲院採訪大劉，初生之犢不畏虎的她還用手指篤大劉臉上那顆痣，問：「係咪真㗎？」結果，大劉被甘比的嘅儍氣吸引，自此留下深刻印象？ 求證於大劉，他稱：「梗係唔係啦！點識唔記得咗啦！咁有時人嘅嘢係講緣份，感情係慢慢培養出嚟，路遙知馬力，日久見人心。我都冇諗住要再結婚，但結咗就要徹底，有時啲嘢係整定，唔係有planning，只係適當時間做最適當嘢，梗係唔係要刺激呢個嗰個咁幼稚，儍嘅咩！」 【十次嗌交，七次係我唔啱嘅】 問到甘比在其心中值多少分？他又講多一次「路遙知馬力」，可見感受之深：「多過100分！路遙知馬力，日久見人心，佢真係冇怨言，唯一係唔夠成熟，因年紀仲輕，但人品算好好，係有時會無端小器咁單單打打，男人最怕呢啲嘢，我哋男人思想要好理智同清醒，當諗緊嘢去搵食投資，唔理智唔得，投資係好痛苦、好寂寞嘅！」 大劉又指與甘比間中會吵架：「以前我哋嗌交，我媽媽覺得佢老實，會叫佢忍，咁發完一陣脾氣，知道自己唔啱，我都會主動出聲講好說話氹番佢，10次嗌交，一般有7次係我唔啱嘅。」 【不敢再識女友：見過鬼仲唔怕黑咩！】 最後再追問大劉有否再結識女友衝動？大劉笑言：「我唔敢再識女朋友啦！見過鬼仲唔怕黑咩！」問他是否與呂小姐分手後有此決定？他說：「我冇講佢呀！我唔方便講人哋嘅嘢！」 之前大劉出面澄清兼展示送給呂小姐的珠寶首飾之單據，到底大劉是否送禮物給任何人都要對方簽收文件？大劉回應：「其實咁講啦！工作做嘢時會好小心，好勻真會有記錄，但禮物俾人簽收係做過一次啫！我送好多嘢俾老婆甘比、送俾我啲妹都冇簽收㗎！」
| ranked in date | views | likes | Comments | ranked in country (#position) |
|---|---|---|---|---|
| 2017-04-17 | 55,107 | 81 | 23 |
( ,#20)
|
| 2017-04-18 | 62,183 | 87 | 21 |
(,#25)
|
