show video detail
大班滙報特別版(十九) 2012年11月20日
- Published_at:2012-11-20
- Category:News & Politics
- Channel:D100HK
- tags:
- description: 大班滙報特別版(十九) 梁振英政府窮途末路，已經窮兇極惡，不但無規無距，破壞哂香港嘅核心價值，完全無法可依，無規可循，只要睇中央政策組首席顧問左王邵善波，昨日出席立法會嘅嘴臉，擺明就撩交嗌，完全唔尊重個議會，當然，你可以話立法會嗰班垃圾議員夠無規無矩，但係你做官嘅，就一定要守規矩，議會有一套文化叫做Parliamentary Language，邵善波去到嗰度直情可以同蔣麗芸有得揮，一個街市婆，一個街市佬，上電視就話到明中策組做政治工具，去到立法會又話做政府工具有咩出奇啫，而家食飯咩，其實佢係想講，毛主席講過的革命唔係請客食飯，即係邵善波要話俾你聽，而家梁振英就係要搞革命，要革香港核心價值嘅命。 講番呢個中央政策組，當年由港英末代港督肥彭搞出嚟嘅，第一個中央政策組顧問「魔僧」顧汝德係一個謙謙君子，簡直係高人，亦有人話佢係英國嘅間諜，不過，英國嘅間諜同地下黨員比起上嚟呢， 一個就有教養，諱莫如深，一個呢就潑婦罵街，直情好似爛仔咁，又怎不令人懷念 the good old days呢。當年嘅中策組，嗰D全職顧問粒粒皆星，全部喺大行借調，有匯豐嘅鄭海泉，有國泰嘅張永霖與及大東嘅阮偉棠，兼職顧問都有陸觀豪等人。 回歸之後呢，董建華都唔執輸，搵咗鄭維健，肯定級數就高過邵善波十級以上。之後又搵咗中大亞太研究所主任劉紹佳，當時大家都覺得深慶得人，不過權力使人腐化，最終狐狸露出尾巴而已，但講級數，講學養，當然又唔係邵善波可以比。劉紹佳年代，中策組都有個高人練乙琤，而家呢個邵善波，就搵埋班過哂氣，退哂休，無得撈嘅自己友，而家終於知道搵高靜芝入去原來係做李連英，邵善波出哂電郵俾D官以後政府任命嘅所有諮詢委員會，都要經過高靜芝嗰關。 邵善波走去立法會撩交嗌，向官員示威，你班友平時俾D垃圾會議員欺侮，真人示範打泥漿摔角，同議員鬥嘴，鬥鬧.................... 邵善波六九年喺美國Wisconsin留學時好多書友今時今日都成為社會嘅棟樑，個個都搵夠，邵善波就全靠拉住魯平呀、陳佐洱衫尾，靠西環先至撈番個中央政策組首席顧問做。 梁振英死攬嘅陳茂波昨日又被報紙揭發，話佢當年做會計師公會會長時以權謀私，而家被過氣民主女神譚香文走去廉署報案，又有排煩。梁振英仲離譜，僭建無交代，而家竟然由政府出面向法庭申請撤銷何俊仁所有訴訟，我又唔明，何俊仁又唔係告特區政府，點解梁振英打官司要特區政府俾錢？所以你可想而知梁振英幾鬼cheap，講到cheap呢，無人cheap得過佢！ 昨日廣電局終於出手，罰咗DBC八萬元，記者打電話俾我，佢哋期望我怨聲載道，但反之我覺得罰得少，一個持牌機構違反發牌條件，停播罰八萬，十分公道。但以DBC台長身份，當然感到遺憾！期望政府盡快介入，要求DBC股東同董事履行為公眾服務的原則，盡快復播，我們從未有要求政府注資，但仍有些別有用心的人，混淆視聽，擺DBC上枱。 苦中尋樂，講番吓個笑話，《蘋果》動新聞，竟然搞錯李國寶做咗CCTVB總經理，馮京作馬凉，李寶安變咗李國寶，如果係就好..... 十一月二十日 D100 一呼百應 還聲於民 大班滙報 - 香港本地新聞評論節目 http://www.facebook.com/d100hk https://www.facebook.com/taipanreport http://twitter.com/D100HK https://www.youtube.com/user/D100hk
| ranked in date | views | likes | Comments | ranked in country (#position) |
|---|---|---|---|---|
| 2012-11-22 | 5,062 | 92 | 14 |
( ,#26)
|
