show video detail
林子祥唱《丫嗚婆》俏婆婆熱情起舞
- Published_at:2015-10-19
- Category:Music
- Channel:Sze Jack
- tags: 阿Lam 林子祥 丫嗚婆 丫烏婆 婆婆 Sunday靚聲王 靚聲王 林子祥 丫嗚婆 Sunday 演唱會 Ah Lam George Lam lam tsz cheung 阿Lam唱快歌 唱快歌 阿婆 跳舞 開心舞 ar lam 佐治地球 林子祥演唱會 林子祥丫嗚婆 林子祥 婆婆 Sunday 靚聲王 lam chi cheung tvb 林子祥 sunday 跳開心舞
- description: 入行40年擁神級唱功的林子祥（阿Lam），現年68歲寶刀未老，前晚在電視節目唱金曲《吖嗚婆》技驚四座，連白髮婆婆都興奮得聞歌起舞跳到似打boxing，短片在網上瘋傳，網友勁讚阿Lam唱功冇得頂，狠批後輩叫幾聲就叫歌手；而阿Lam都被這位婆婆的可愛舞吸引，在網上開帖公開尋人請婆婆睇騷，他說：「佢肯定唔係吖嗚婆，佢係天仙美女。」 唱腔雄渾獨特的殿堂級歌手林子祥，入行40年的他將於明年1月假紅館舉行「林子祥佐治地球四十年演唱會」，前晚播出的無綫節目《Sunday靚聲王》，擁神級唱功的阿Lam演繹金曲《吖嗚婆》，技驚四座，觀眾不但聽到拍晒手，有位白髮婆婆更high到企起身跳舞，雙手不停揮動好似打boxing般，可愛程度爆晒燈，阿Lam都被吸引刻意走到她面前唱歌，氣氛熱爆。 有網友將短片放上網，留言：「阿Lam唱快歌！阿婆笑呵呵！跳舞跳得un晒籮！」片段火速在網上瘋傳，大批網友勁讚：「興奮到阿婆都打拳」、「快歌治療法……老人癡呆有得醫喇」，還狂踩後輩歌手唱功冇得比：「𠵱家啲後生仔應該跟前輩學吓唱功先啦，唔係你叫幾聲就叫歌手㗎。」由於阿Lam的神級唱功加白髮婆婆的可愛舞，這集節目收視升了兩點有24點，約155萬觀眾收看。 不少網友都熱烈彈琴，呼喚阿Lam開騷請婆婆去睇，昨日阿Lam的演唱會facebook專頁火速行動，在網上開帖廣傳尋人啟事：「全城尋找《Sunday靚聲王》Boxing馬舞可愛婆婆」，阿Lam接受本報電話訪問，對於被網友勁讚唱得好，他說：「Good！好呀，做得開心呀，嗰晚已經感覺到，嗰班觀眾好high，所以唱得好開心。」有否留意阿婆都好high？他說：「我都未睇節目，因為噚晚唔啱時間，一陣返到去會睇。佢哋話有呢個boxing阿婆，呢個白頭髮阿婆邊個嚟？我都唔知，我咁啱唱嗰隻歌唱到嗰個位，佢喺度跳到咁樣樣令我幾開心，我咪望住佢，我知道𠵱家全城搵緊佢喺邊。」 問到覺得婆婆跳得如何？阿Lam笑說：「佢咪boxing咁囉，喺度打緊拳，不過佢好得意，我見到佢好開心，真係奇怪。」連阿婆聽你唱歌都咁興奮，阿Lam說：「Well，好開心，不過佢肯定唔係吖嗚婆，佢係天仙美女，𠵱家想搵番佢，希望佢啲仔女、阿孫認到佢係邊位，等我哋可以搵到佢，到我做演唱會時，可以搵到佢出嚟，我再對住佢唱《吖嗚婆》就好。」會否請婆婆上台一齊跳？阿Lam說：「唔會啦，我諗我會落去尋找佢。」 唱《吖嗚婆》吸開心舞伴 林子祥人肉搜尋Boxing婆婆 http://hk.apple.nextmedia.com/entertainment/first/20151020/19339549 年屆68歲嘅林子祥(阿Lam)，依然寶刀未老，完全無退休嘅念頭，明年一月舉行入行40周年演唱會。 噚晚阿Lam上咗阿姐(汪明荃)同秋官(鄭少秋)主持嘅大台節目《Sunday靚聲王》，一對仔女林德信同林德懿，亦有到場支持下老竇。阿Lam仲走落台唱歌，同班現場觀眾打成一片，氣氛非常高漲。 當阿Lam唱到《丫烏婆》時，面前一位滿頭白髮嘅「俏婆婆」，開心到為阿Lam伴舞，跳得不知幾High。有網民更將片段上載到討論區，網民話睇得出婆婆熱情起舞，完全係發自內心嘅表現，唔似強國啲節目啲觀眾咁假，咁首歌嘅節拍又真係好輕快，難怪婆婆會開心起舞嘅!網民仲讚爆阿Lam嘅表演係神級，中氣十足。 網民留言如下： Shake Shek：「佢嘅開心帶動我睇都覺得開心，同個啲我是歌手嘅觀眾嘅虛偽完全2回事。」 Chung Wai Chan：「發自內心.....完全無演技表情及虛假動作。」 Wong Chi Wing：「名乎其實！『真』的漢子！」 Terry Wan：「婆婆出自真心，唔係做媒呀！」 Rina Law：「給個讚林子祥，氹到啲婆婆咁開心。」 【唔似強國觀眾虛假反應】 林子祥唱《丫烏婆》 白髮俏婆婆開心伴舞 http://hk.apple.nextmedia.com/enews/realtime/20151019/54330183 作詞：林振強 作曲：Guida/Royster 編曲：鐘定一 男人 事實若你要開心活在世上 若你喜歡安安樂樂歌唱 別要揀天仙嬌娃做對象 盡力量別與她遇上 男人 事實若你要開心活在世上 若你喜歡安安樂樂歌唱 便要揀個丫烏婆泥做對象 萬事便自會多樂暢 如天仙美女永是太自私 如果約你永遠必定遲 常常令你似廢物拼命等 由朝企到朦朧子夜時 而丫烏對你永遠帶著痴 從不怪你平凡不合時 常常為你熨褲並熨睡衣 由始愛你愛到天裂時 男人 事實若你要開心活在世上 若你喜歡安安樂樂歌唱 便要揀個丫烏婆泥做對象 萬事便自會多樂暢
| ranked in date | views | likes | Comments | ranked in country (#position) |
|---|---|---|---|---|
| 2015-10-22 | 16,274 | 173 | 7 |
( ,#26)
|
| 2015-10-23 | 21,769 | 229 | 9 |
(,#26)
|
| 2015-10-24 | 28,012 | 268 | 13 |
(,#28)
|
| 2015-10-25 | 33,339 | 323 | 9 |
(,#29)
|
