show video detail
DMC 即時試玩.
- Published_at:2013-01-16
- Category:Gaming
- Channel:near zoreyo
- tags:
- description: 分享一位網友玩之後感. ----------------------- 終於爆左機, 查實小弟玩完之後心情好複雜, 既覺得打得好爽, 但又對人設等等感到失望 1: (可玩度, 操控) DMC的確比以往GE打法同操控成熟好多,連技,轉武器, 閃避, 跑位絕對勝於舊作, 控場+ 儲氣, 閃兩野斬斬斬, rank又唔會因暫停出招而下降, DMC DANTE GE打法完全係DEVIL may cry 4 nero 同但丁ge混合體, 兩三下就可以輕易上SSS, 最爽不過. 但係個人覺得因為冇左style 系統, 其實出招ge 變化同華麗度都相對輸比舊作. 以前一個武器+swordmaster 或 Gunslinger 就有4-5招, 仲要每招風格唔同,又有TRICKER又有ROYAL, 每打一下都有DANTE 把聲串串共UP招名, 型到升天, 可惜今集冇. -個人評分(10分滿分) DMC 連技:9 出招華麗度:7 出招變化: 5 2: (人物設定) 造型: 客觀D睇, 新Dante 係ok 型, 雖則係黑髮, 但都有交代點變白髮. 不過, 姐係咁講, 如果batman 係著白色鐡甲+噴射氣, 雖則會好型, 但係仲係咩batman 呢? vegril ge 造型唔洗多講, 你自己上google 打vergil 然後揀一張你覺得最型ge vergil 圖post 上uwants, 我打賭你係唔會見到今集ge vergil. 至於個女仔.............算la,你去google一下 "devil may cry Trish / Lady", 記得帶紙巾!! 角色性格: 如果隻game 叫"天使惡魔混種孖兄弟闖天關", 所有人設我覺得完全無問題. 弊就弊在用左dmc 呢個名. 所謂人比人比死人, 大佬, 咁用dmc呢個名, 就預左比較ga la. － dante: 成件事錯哂，但丁呢個角色應該係外表輕挑，咀巴幽默，內裡冷靜而感性，身手敏 捷反應快, 整個人正義而不拘小節, 殺惡魔好似玩咁. 點知今集個dante 又食煙又搞女人, 以粗口代替笑話, 下下見怪就只識fu你個ck, 咩事呀. 次次都要個女人開路, 完全寫唔到但丁機智冷靜ge一面. -- vergil: 又係一樣, 成件事錯哂, 完全冇左vergil 應有ge機心, 同陰暗沉實果種魅力. 如果比喻一下, 以前ge vergil 就等於dark knight rise ge Bane, 心狠手辣, 做事快狠盡, 殺就殺死就死, 有計劃有準備. 可惜今ge vergil 就好似batman begin ge scarecrow, 似有陰謀, 但唔似擔大旗ge人, 靠呢個靠果個陰d陰d 咁做大事, 個人覺得....可以再型d. 仲有, 著到成個micheal jackson 咁, 跳舞咩. -- sparda :雖然集集都只係介紹佢兩野，但今集ge sparda 完全無legend ge 感覺, 仲要比人sm. 咁搞法突顯唔到dante 同vergil 身份有幾勁. -個人評分(10分滿分) DMC 造型:6 角色性格: 4 3: (故事) 個人覺得非常唔錯, 人間與魔界交替, 以惡魔ge控制去解釋人類現代社會GE敗壞同愚蠢, 比以前ge dmc 好得多, 以前下下都係有個大壞蛋要咩咩咩power 去rule over the world, , 跟住由樓底打到上樓頂再上魔間, 悶啦都, 所以今集有趣又有少少深度. 同埋所有情感怨恨成因後果比以前交代得清楚好多, good!! -個人評分(10分滿分) 故事:8 4: (畫面, 環設) 色彩較瘋狂, 用噴漆, 濺起ge 顏料去凝造魔界ge混沌感同主角出招ge爆發力, 非常突顯到dante rock ge 一面,不錯不錯. 但係個人比較喜歡以前惡魔同神聖混合ge環設多d, 優雅古舊ge建築物配上點點邪氣, 有墜落神秘ge感覺, 而武器美術設計方面, 可以話你聽日本仔勝9條街. -個人評分(10分滿分) 畫面, 環設:7 5: (音樂) 一般般la, 好clubbing feel, 聽落去唔太深刻... 唔太識形容. 同大家分享 下dmc 3 ge devil never cry: http://www.youtube.com/watch?v=GZUN89RaP60 -個人評分(10分滿分) 音樂:6 個人總結: 呢隻game 係好好玩, 好爽, 用黎發洩係最好不過. 不過以devil may cry 粉c 黎講就有d失望, 姐係 好食ge素雞係可以好好食, 但係你唔可以叫佢做雞肉...... dmc 5集評分: (10分滿分) --DMC1: 8 --DMC2: 5 --DMC3: 9.5 --DMC4: 8.5 --DMC REBOOT: 7
| ranked in date | views | likes | Comments | ranked in country (#position) |
|---|---|---|---|---|
| 2013-01-19 | 4,849 | 7 | 0 |
( ,#90)
|
