show video detail
新界東北既豪宅我上下左右都買唔起! 全為富豪資本家而非你我他!
- Published_at:2012-12-19
- Category:News & Politics
- Channel:Kim Ching Chan
- tags:
- description: 在新界東北發展公聽會席上，學聯Willis狠批東北規劃荒謬無倫，踢爆梁振英的規劃大話：「八成土地起私樓豪宅，我前後左右既豪宅都買唔到呀，土地為誰發展，為誰規劃? 」梁振英你同我講新界東北係用黎解決居住問題? 反對資本家搶奪式的土地開發 還地於農 立即擱置新界東北規劃! 一月一日一定要上街，講俾市民聽梁振英既政治任務係唔會得逞既! http://www.facebook.com/events/140921429391043/ 反對香港被規劃行動組 http://www.facebook.com/PRDBayArea -- 發言全文： 我叫何潔泓，學聯成員、嶺南大學學生會外務副會長。前排三場梁振英諮詢會都有去，好地地一個學生讀緊書，後日就考試，都迫不得意，走黎走去，係因為香港實在太荒謬！ 直到前日，梁振英都仲口口聲聲話東北發展計劃純粹係一個新市鎮發展，但事實上，蓮塘口岸已經納入「國家十二五規劃」，將來會有一個係香港邊境橫跨兩地既聯檢口岸、一條會打通邊境至坪輋（平車）同大埔吐露港既高速公路，到時就會變得好恐怖，蓮塘唔單止令新界東北穿左個洞，仲會起好多豪宅令到內地富豪可以炒賣，簡直係搶奪人民既土地，再起豪宅令到資本家賺錢，呢個係不顧基層人民利益既「融合」！ 政府口口聲聲講大話，你話比我聽，點解一個新市鎮計劃，會起公路，會起口岸？你地仲話要作出廣泛諮詢，咁點解，Ｄ村民要到被迫遷，要去到無啦啦比政府封左塊地，先知咩事？即使你地開放平台去收意見書，當時收到六千份意見書，但最後又去左邊？有咩回應？有咩改善？有咩研究？有咩諮詢？ 我入過馬屎埔幾次，個到有田有地，村民自給自足，有農墟做蔬果買賣，有教整面包、有機用品既工作坊，Ｄ菜唔洗拎去受盡剝削既領匯個到賣。但係，而家呢種掠奪式既土地規劃，係要將住左係到好多年既村民趕走，扼殺農業發展。香港社會已經夠單元，但政府更要就係由上而下咁，用強權同入侵性既方式，令到社會更加絕望，政府唔單止唔愛人民，更加係要抽弱者既刃，而令資本家肚滿腸肥。 再講，呢個東北計劃既土地主要用黎起豪宅起商場，當中只有兩成土地起公屋，講到底即係地產商收地，將原來的居民趕走，興建大量的豪宅。我打死一世工都唔會買到豪宅，我左邊呢個買唔到，右邊呢個買唔到，前邊呢個買唔到，後邊呢個買唔到，咁到底，你可唔可以話比我知，豪宅為誰而建，土地為誰發展。 上星期中大學生會會長問到東北發展問題，梁振英答，我地仲細，唔知道住屋困難，亦唔了解香港無晒地。我想答返佢，梁振英，呢個唔係買唔買到樓既問題，呢個係無廣泛諮詢既問題、係要暴力趕走村民既問題、係要消滅農業既問題，係政府同資本家扣起土地既問題。呢個唔係買唔買到樓既問題，而係資本主義之下，一切以利益為名，就可以橫行無阻既問題。 今日，我坐係到，我選學生會都有千幾票既授權，但政府就只有六百幾票，呢個小圈子選舉，你話你代表民意？你話東北係市民共識？我既民意授權仲多過你呀！你根本就係特權階級！坐係到講咁多野都係晒氣，我希望大家可以共同要求立即撒回東北發展計劃！一月一號一齊上街，留守到，最後一刻！」
| ranked in date | views | likes | Comments | ranked in country (#position) |
|---|---|---|---|---|
| 2012-12-22 | 17,906 | 382 | 32 |
( ,#25)
|
| 2012-12-23 | 21,868 | 412 | 47 |
(,#42)
|
| 2012-12-24 | 23,802 | 429 | 52 |
(,#55)
|
| 2012-12-25 | 25,282 | 442 | 54 |
(,#70)
|
| 2012-12-26 | 26,706 | 453 | 55 |
(,#88)
|
