show video detail
大班匯報（二十）2012年11月21日
- Published_at:2012-11-21
- Category:News & Politics
- Channel:D100HK
- tags:
- description: 大班匯報（二十）2012年11月21日 中央政策組烏合之眾 被滅聲的DBC門庭依舊，人面全非，每日只得我同何國輝，還有麥潤壽，船長順道幫我錄《大班匯報》，間中都會見到顏聯武，但另一位合約節目主持人梁思浩就很久不見了。 柴灣巴士車禍，大家都忽略了巴士司機的待遇，車長責任重大，人命關天，應該得到合理的報酬及規管，目前他們日捱夜捱只得萬多元月薪，每日話就話揸十至十二個鐘巴士，其實返工時間差不多十六個鐘，因為好似茶樓伙記有落場規定，令到司機好容易積勞成疾，所以若要改善巴士司機嘅服務質素及保障乘客及道路安全，最重要是限制巴士司機每日工作時間，決不可以超過八小時，一星期不可以超過四十小時，今日有報導，車禍中兩位外籍人士，係全球No. 1嘅英國名店Fat Duck兩個廚嚟 ，原來佢哋跟大廚老闆來港表演，橫禍飛來，客死異鄉。 講到米芝蓮餐廳，打個譬喻，中央政策組本來是一間星級法國餐廳，點知頂咗俾梁振英之後，關照咗個原本在街頭賣雲吞麵嘅皇親國戚邵善波負責打理，跟住邵善波照辦煮碗，有樣學樣關照番自己友，一個高靜芝，本來開花店教插花嘅，另一個關永祈原本在街邊租公仔書俾人睇，跟住搵埋個在銀行數銀紙嘅何燕飛，只是留低個做開二廚嘅舊伙記王卓祺，咁就頂硬上接手經營呢間二星米芝蓮餐廳，唔使問亞貴，當然搞到唔三唔四，唔湯唔水................其實，中央政策組每年由經立法會批准嘅財政預算中撥出經費，中央政策組理應專責為三個特區領導做政策研究， 一個係行政長官，一個係財政司司長，一個係政務司司長，同埋每年負責幫特首撰寫施政報告的，但現在特首同一大班「梁粉」，喉舌傳媒竟然話中央政策組，不務正業做政治工具是理所當然，梁振英以為特區是一言堂，特首話無問題就無問題，始終香港是依法辦事的法治社會。在財政預算中撥俾中央政策組嘅公帑是指定做政策研究，不是用來做政治工具，亦不是叫全職顧問高靜芝負責人事任命，中央政策組現在由一班烏合之眾組成，高靜芝過去在未退休之前，做大企業的HR，人事顧問，關永祈以前曾經在《明報》及TVBI做袋裝書出版，退咗休無嘢撈，邵善波關照佢一個短期合約。何燕飛除咗Q仔識佢之外，原來無人識嘅，今時今日，梁振英政府用人唯親，搞到香港亂哂龍，一榻胡塗，正如黃師父話齋，禮崩樂壞！ 多謝聽眾的關心我何時做手術，但現正打緊場硬仗，做咗手術後幾個月行動不便，所以延遲做手術。 今日立法會辯論回購領匯，發言支持收購領匯的立法會議員，當年都是支持領匯上市的罪魁禍首，前言不對後語，盡顯政客變臉的本色。睇見嗰班垃圾議，包括民主派、建制派，不知所謂，尤其工聯會王國興竟然夠膽話一直反對政府資產私有化，簡直厚顏無恥，當年我反對政府賤賣資產立會內只得長毛及大舊支持，立會外就有毓民同埋陶君行。 領匯05年10元上市，房委會套現二百幾億，而家每股去到40元，現在叫政府怎可以攞過千億出來貼領匯股東，而政府買咗番嚟，是否要政府補貼租金呢，到時可能又係益番俾班梁粉....... 領匯擁有150個大小商場，過去6年總共翻新咗25個旺場，大約尚有25 個具潛質嘅場，另外100個場對領匯來說可能係豬頭骨，所以政府可以研究提出回購，租番俾小商戶做家爺仔乸生意......... 代郵：《大班匯報》每日分別上載dbc facebook、D100 facebook、及D100 facebook 內嘅《大班匯報》專頁，稍後會將全部集中D100 facebook，請各網友盡快歸隊，螞蟻搬家，同Like D100這個屬於所有DBC聽眾的平台。 本星期六（11月24日）立法會資訊科技及廣播事務委員會舉行的公聽會已於昨日截止報名，據聞全院滿座，屆時大班、何國輝將與各位見面。 十一月二十一日 D100 一呼百應 還聲於民 大班滙報 - 香港本地新聞評論節目 http://www.facebook.com/d100hk https://www.facebook.com/taipanreport http://twitter.com/D100HK https://www.youtube.com/user/D100hk
| ranked in date | views | likes | Comments | ranked in country (#position) |
|---|---|---|---|---|
| 2012-11-23 | 4,196 | 104 | 15 |
( ,#25)
|
